Район хакимиәттәре ярышты

Хәйбулла районы үҙәге Аҡьярҙа Урал аръяғы муниципаль район хакимиәттәренең спартакиадаһы уҙҙы. Матур йолаға әйләнгән спорт байрамында һигеҙ команда ярышты. Улар волейбол, яндан уҡ атыу, йөҙөү, джакколо, шахмат, дартс һәм эстафета буйынса көс һынашты. Һөҙөмтәлә район хакимиәте башлығының кадрҙар сәйәсәте һәм социаль мәсьәләләр буйынса беренсе урынбаҫары Фәнил Нәҙерғолов шахмат буйынса – беренсе, дөйөм бүлек мөдире Земфира Яхина дартста икенсе урынды алды. Йөҙөү буйынса Баймаҡ командаһы еңеү яуланы.