Баймаҡ уҡсыларының сираттағы еңеүе

Силәбелә «Шервуд» клуб турнирының икенсе этабы үтте. Ярыштарҙа Силәбе, Новосибирск өлкәләренән һәм Башҡортостан Республикаһынан 40-ҡа яҡын спортсы ҡатнашты. Республикабыҙҙан турнирҙа 10 уҡсы, шул иҫәптән Баймаҡ спортсылары ла ҡатнашты. Улар, һәр ваҡыттағыса, юғары әҙерлек кимәлен күрһәтте һәм бер нисә награда яулап ҡайтты. Ир-егеттәр араһында Ғәфүр Рахманғолов, ҡатын-ҡыҙҙар араһында Гөлшат Әлимханова икенсе урынды яуланы. Яҡташтарыбыҙҙы еңеүҙәре менән ҡотлайбыҙ һәм уңыштар теләйбеҙ.