Көрәшселәрҙең еңеүе

29-30 ноябрҙә Стәрлебаш районы Түбәнге Аллағыуат ауылында Рәсәй чемпионы Альфред Ҡолһарин һәм Башҡортостан Республикаһы чемпионы Айбулат Бикташев иҫтәлегенә асыҡ турнир уҙҙы.  Турнирҙа республиканан бөтәһе 158 көрәшсе ҡатнашты.

Баймаҡ районы намыҫын балалар-үҫмерҙәр спорт мәктәбе тәрбиәләнеүселәре командаһы яҡланы.

Хисмәтуллин Арсен һәм Һибәтуллин Әмир – 1-се урындарҙы, Ханафин Фидан һәм Байымов Илдар – 2-се, Ҡәйепҡолов Ислам, Йосопов Ислам һәм Мәхмүтов Ғайса 3 урындарҙы яуланы.

Еңеүселәр һәм призерҙар Почет грамоталары, миҙалдар һәм аҡсалата приз менән бүләкләнде. Спортсыларҙы еңеүҙәре менән ҡотлайбыҙ һәм уңыштар теләйбеҙ.