Ватанды һаҡлаусылар көнөнә арнап

23 февраль - Ватанды һаҡлаусылар көнө уңайынан Сыңғыҙ, Таулыҡай ауылдарының ир-егеттәр командалары араһында волейбол ярышы үтте. Таулыҡайҙан өс команда - йәштәр, 9-сы класс һәм 8-се класс уҡыусылары командалары, Сыңғыҙ ауылынан ике команда - йәштәр һәм 8-се класс уҡыусылары командалары ҡатнашты.
Ярыш һөҙөмтәләренә килгәндә, 1-се урынды Таулыҡай йәштәре, 2-се урынды Сыңғыҙ ауылы йәштәре, 3-сө урынды Таулыҡай мәктәбенең 8-се класс уҡыусылары, 4-се урынды Таулыҡайҙан 9-сы класс һәм Сыңғыҙҙан 8-се класс уҡыусылары яуланы. Афарин, егеттәр!