Күңелле каникулдар

Мәктәп уҡыусыларының көҙгө каникулдары  дауам итә. Уларҙың ялдарын күңелле үткәреү маҡсатында, ауыл клубтарында төрлө кисәләр үтә. Ишей ауыл мәҙәниәт йортонда "Көҙгө калейдоскоп" сараһы үткәрелде. Унда  өләсәй- олатайҙарына төрлө тарафтарҙан ялға килгән балалар ҡатнашты.Уҡыусылар өҫтәл уйыны шахматта көс һынаштылар, көҙ тураһында йомаҡтар систе, һүрәттәр төшөрөп, төрлө уйындар уйнап , каникулдың бер көнөн файҙалы һәм күңелле итеп үткәрҙеләр. Клуб мөдире Миңзифа Ишдәүләтова ҡыҙҙар һәм малайҙарға рәхмәт һүҙҙәрен еткерҙе.