Клуб тәҙрәләре яңыртыла

Ғәҙелбай ауылы клубында йыл дауамында төрлө мәҙәни саралар йыш үтә. Шулай уҡ клуб янында бер-нисә ансамбль дә уңышлы эшләй. Әлеге ваҡытта ғәҙелбайҙар ҡыуаныс кисерә:мәҙәни усаҡтың ағас тәҙрәләре алынып, урынына өр-яңы пластик тәҙрәләр ҡуйылды. "Ремонт "Аныҡ эштәр" программаһы сиктәрендә бүленгән 147 мең һум аҡса ярҙамында башҡарылды", - тип хәбәр итә Ғәҙелбай ауылының мәҙәни ойоштороусыһы Гөлшат Ғәлина.