Баймаҡ йондоҙҙары бер сәхнәлә

"Дуҫтар йыйылғанда". Кисә Халыҡ ижады үҙәгендә ошондай исем аҫтында бик матур концерт үтте. Унда районда ғына түгел, республика мәҙәниәт өлкәһендә билдәле булған сәхнә йондоҙҙары ҡатнашты. Ғаилә парҙары Фәттәх һәм Зарифа Аралбаевтар,Фирүзә һәм Динислам Исҡужиндар, Дилбәр һәм Хәлил Биктимеровтар, шулай уҡ Рәмил һәм Рәил Хәсәновтар, Рауил Харрасов,Гөлзифа Әхмәтова, Әсҡәт Нурмөхәмәтов,Флүрә Туйсина, халыҡ ижады үҙәге артистары һәм башҡа сәхнә йондоҙҙары тамашасыларға моңло йырҙарын, дәртле бейеүҙәрен бүләк итте. Концертты Ләйсән Солтанғолова менән Ғәлинур Хәмитов бик матур итеп алып барҙы. Саранан һәр кем рухи көс алды. Яҡташтарына матур ял сәғәттәре бүләк иткән әртистәргә ҙур рәхмәт! Һәр ваҡыт әлегеләй дәртле булып ҡалығыҙ!