Ярат уңғандары шулай йәшәй

Һәр аҙнаның йома һайын, Ярат мәҙәниәт йорто тәбиғәттең мул ниғмәттәрен һатыусыларҙы һәм уларҙы һатып алырға ашығыусыларҙы йыя. Ошо көндәрҙә бында «Көҙ бүләктәре» тип исемләнгән традицион ауыл хужалығы йәрминкәһе гөрләп уҙҙы. Килеүселәр ҡышҡылыҡҡа аҙыҡ-түлек запасын тулыландырып ҡына ҡалманы, ә йылы аралашыуҙан ҙур кинәнес алды. Был йәрминкә — ул ябай баҙар ғына түгел, ә мул уңыш байрамы, кешеләрҙе берләштереүсе күркәм сара. Барлыҡ һатыусыларға уларҙың намыҫлы хеҙмәте, ә һатып алыусыларға әүҙемлек һәм күтәренке кәйеф өсөн оло рәхмәтебеҙҙе белдерәбеҙ!