МХО-ла ҡатнашыусыларға аҡса өсөн кейәүгә сыҡҡан ҡатындарға ҡаршы закон

Дәүләт Думаһында  шундай ҡатындарға ҡаршы енәйәт яуаплылығы индерергә тәҡдим итәләр. Һүҙ махсус операцияла ҡатнашыусылар менән дәүләт пособиеһы алыу өсөн фиктив никахҡа ингән ҡатын-ҡыҙҙар тураһында бара. Депутаттар ялған ғаилә мөнәсәбәттәре аша дәүләтте алдау схемаларын туҡтатырға теләй. Мутлашыусылар хәрби ҡатын статусын компенсация һәм льготалар алыу өсөн ҡуллана. Закон проекты һуғыштан табыш алғандарға ҡаршы йүнәлтелгән.