2024 — Йәштәр йылы!

Бөтә донъя башҡорттары ҡоролтайы тарафынан 2024 йыл Йәштәр йылы тип иғлан ителде Был турала бөгөн ойошманың Президиум рәйесе Эльвира Айытҡолова Фән һәм мәғрифәт йылын йомғаҡлау сараһында билдәләп үтте. Сара сиктәрендә мәҙәниәт, гуманитар фәндәр һәм мәғариф өлкәһендә Сосланбәк Тавасиев исемендәге йәмәғәт наградаһына лайыҡ булған тәүге лауреаттар тәбрикләнде.