Рейдтар дауам итә

Баш дәүләт инспекторы Владимир Севастьянов үҙенең Телеграм каналында республика юлдарында рейдар дауам итеүе хаҡында белдерҙе. "Фажиғәләр булмаһын өсөн ЮХХДИ хеҙмәткәрҙәре һәр саҡ уяу", ти ул.

- Бөгөнгө рейд барышында иҫерек килеш руль артына ултиырған 68 кеше туҡтатылды. Шуларҙың 4-һе водитель таныҡлығынан мәхрүм ителгән булһа ла, руль артына тағы ла эсеп ултырған. 

Барыһы ла 1,8 меңдән ашыу юл хәрәкәте ҡағиҙәләрен боҙоу теркәлгән. Шуларҙың 12-һе водитель таныҡлығынан мәхрүм ителгән водителдәр. 62 водитель ҡаршы полосаға сыҡҡан, 50-һе балаларҙы тейешле креслоға ултыртмай йөрөгән. Бар хоҡуҡ боҙоусыларға протоколдар төҙөлдө.

Владимир Севастьянов граждандарҙы юл ҡағиҙәләрен боҙоусылар тураһында 8(347)279-32-92 "Ышаныс телефоны"на мөрәжәғәт итергә саҡырҙы.