Китап бүләк итте

«Атайсал» проектының «Бүләккә китап» акцияһы сиктәрендә бөгөн Темәс мәктәбенә сығышы менән Әбйәлил районының Асҡар ауылынан булған, әле Өфөлә йәшәүсе Таһир Фаттахов китаптар бүләк итте. Ошондай уҡ китаптарҙы ул йәнә ете мәктәпкә бүләк итте. Бүләк ителгән китаптар һаны 100-гә барып етте. Баймаҡ лицей-интернатына, Билал, Икенсе Этҡол, Ҡолсора, Ниғәмәт , Темәс һәм Түбә мәктәптәренә «Башкорт энциклопедияһы» (7 томлы), «Халык улы Муса Мортазин», «Ерҙең тере хәтере» (топонимика), «Топонимика уфимских улиц», «Башкортса дөрөҫ һөйләйек!», «Населенные пункты Башкортостана (Уфимская губерния 1877 г.)», «Башкирско-русский и русско-башкирский карманный словарь», «Краткий русско-башкирский словарь по этике», «Русско-башкирский, башкирско-русский словарь для работников культуры» китаптары бирелде. 

Әйткәндәй, Таһир Фаттаховтың ата-әсәһе уҡытыусы була. Таңһылу Мотаһар ҡыҙы менән Булата Мостафа улы – педагогтар. 

Таһир Фаттах улы тыуған районында ла ошондай уҡ акция буйынса 33 мәктәпкә 900-ҙан ашыу китап бүләк итте.