Мәшәҡәтһеҙ генә тәмле кәбеҫтә тоҙлау

Бының өсөн аҡ төҫтәге, тығыҙ, һуң өлгөрә торған кәбеҫтә (1 кг.), ике кишер алып ваҡлап турарға, 1 аш ҡалағы тоҙ һибеп, еңелсә болғатырға. Таҙа итеп йыуылған быяла банкаға кәбеҫтәне тығыҙлап тултырырға, өҫтөнә ауыр әйбер баҫтырып 2 көн бүлмә температураһында тоторға. Ваҡыты-ваҡыты ағас ҡалаҡ менән тишкеләп, газдарын сығарып алырға. Әҙер булыуға, һалҡынға ҡуйып һаҡларға. 

Тәмле һәм файҙалы булһын!