+24 °С
Ямғыр
Ғаилә йылы
30 Сентябрь 2024, 11:20
Шиғри минуттар
Бөгөн көҙ миҙгеленең тәүге айы менән хушлашабыҙ. Дуҫтар, һеҙҙең иғтибарығыҙға яҡташыбыҙ Фәнилә Йәндәүләтованың ошо уңайҙан яҙылған шиғырын тәҡдим итәбеҙ.
Сентябрҙең һуңғы көнө бөгөн
Ишек ҡағыр иртән октябрь.
Сәғәт-минут, айҙар, йылдар һанап
Шулай үтә икән был ғүмер.
Октябрҙең тәүге көнөндә,
Ололарҙы ихлас ҡотлайыҡ.
Уларға бит бер йылы һүҙ етә,
Битарафтар ҡына булмайыҡ.
Мин үҙем дә улар сафындамын,
Эй үтә лә икән был ғүмер.
Бөгөн сентябрҙе оҙатабыҙ,
Ә иртәгә тыуыр октябрь.
Эй, хоҙайым ҡалған ғүмерҙәрҙе,
Матур ҡартлыҡ биреп һөйөндөр!
Фәнилә Йәндәүләтова.
Редакция һайлауы
