Ғаилә - ул бәхет, мөхәббәт һәм уңыш

"Ғаилә - ул бәхет, мөхәббәт һәм уңыш!"

Икенсе төрлө әйткәндә, "ағас - тамыры менән, кеше ғаиләһе менән ныҡ" була. Сосновка ауылында 40, 45, 50 йыл бергә йәшәгән парҙар өсөн тантаналы сара үтте. 

Улар - Рәшиҙә һәм Дамир Раҡаевтар, Рәүфә һәм Хәбибулла Вәхитовтар, Зилә һәм Сәлимйән  Сәлимовтар, Кәримә һәм Рәшит Рәхмәтуллиндар, Зилиә һәм Радик Рәхмәтуллиндар, Баҙыян һәм Нуриман Рәхмәтуллиндар, Ғәлимә һәм Марс Мостаевтар, Зәйтүнә һәм Фаит Сөләймәновтар, Илүзә һәм Рәфҡәт Кәримовтар, Гөлнәзирә һәм Наил Ишбулдиндар, Рәйсә һәм Тәлғәт Яҡиевтар, Миңзифа һәм Рәшит Яхиндар... 

Килгән ҡунаҡтар йырланылар, мәҡәл әйттеләр, йомаҡ систеләр, төрлө һорауҙарға яуап бирҙеләр. Унан ғаилә башлыҡтары тормош юлдаштарын вальс бейергә саҡырҙылар.

Сара һуңында парҙарға иҫтәлекле бүләктәр тапшырҙылар. 

Фәриҙә Исмәғилова, Сосновка ауылы.