Сметанник

Ҡамыр өсөн кәрәк туңдырылған бер ҡап аҡ майҙы терканың эре яғы аша үткәрәбеҙ, шунда 1 йомортҡа, ярты стакан шәкәр ҡомо, 300 грамм он, бер ҡап разрыхлитель һалып ҡамыр баҫабыҙ ҙа ҡырыйҙарын күтәртеп, майлы табаға һалабыҙ.

Эслеге өсөн: 4 йомортҡаны күпертәбеҙ, шунда 6 аш ҡалағы шәкәр ҡомо, бер ҡап ванилин, 500 грамм 20 процентлы ҡаймак, 2 эремсекле сырок һалып болғатабыҙ. Массаны ҡамыр өҫтөнә ағыҙабыҙ.

180 градуслы мейестә 40 минут бешерәбеҙ.

Ялдар матур һәм тәмле үтһен!