Бәхетле булһын парҙар!

Туй күлдәге аҡ ефәктән,
Ҡыҙҙар – гүйә аҡҡоштар.
Аҡлыҡ бит ул, сафлык бит ул,
Яуһын, әйҙә, алҡыштар!

Ҡушымта:
Туй күлдәге кейгән ҡыҙҙан
Көнләшеп тә үләрлек.
Туй күлдәге бер көнлөкмө? 
Туй күлдәге ғүмерлек!

Аҡ күлдәктәр, аҡ теләктәр
Туйҙа ғүмер-ғүмерҙән.
Туй күлдәге кейгән ҡыҙҙың
Урыны була гел түрҙән.

Бәхет бит ул, шатлыҡ бит ул,
Туй күлдәге кейеүе.
Иркәм, – тиеп, – йәрем, – тиеп,
Онотолоп һөйөүе.