Баймаҡта hауа торошо:
1, 3 ° C 3 - 5 м\с ЮЗ
  
10.03.2017
Яңылыҡтар
Untitled document

Гөлнара – Башлыҡ стипендиаты

Баймаҡ ҡалаһының 3-сө мәктәбен тамамлап, бөгөн БДУ-ның Сибай институтының сит телдәр факультетында уҡыусы Гөлнара Вәлит ҡыҙы Мәғәсүмова уҡыуҙағы һәм ғилми тикшеренеү эшендәге юғары ҡаҙаныштары өсөн БР Башлығы стипендияһына лайыҡ булды.

 

 

 

Тауыш бирәйек!

Республикала йыл да үткәрелгән “Һылыуҡай” конкурсында быйыл Сыңғыҙ ауылынан Гөлнәзирә Рәзәпова ҡатнашасаҡ. Ул Өфө технология һәм дизайн колледжында белем ала. “Бәйләнештә” социаль селтәрендә барған конкурста яҡташыбыҙ өсөн тауыш бирәйек.

10.03.2017
Халыҡ мәнфәғәтендә эшләй
Untitled document

Халыҡ мәнфәғәтендә эшләй

 

 

 

Башҡортостан Республикаһы Дәүләт Йыйылышы – Ҡоролтай депутаты Рөстәм Борғанитдин улы Аблаев “Берҙәм Рәсәй” партияһының урындағы бүлексәһенең киңәйтелгән ултырышында ҡатнашты. Ултырышҡа урындағы бүлексә советының һәм контроль комиссияһының ағзалары, беренсел бүлексә секретарҙары саҡырылды. Унда бүлексәнең 2017 йылға эш планы ҡаралды һәм партияның координацион советының яңы составы һайланды. Шулай уҡ партияның яңы беренсел бүлексәләрен булдырыу мәсьәләһе күтәрелде.

 

Тәүге һүҙҙе урындағы бүлексә етәксеһе Х.Х. Әминев алып, 2016 йылдағы эш һөҙөмтәләре тураһында ҡыҫҡаса мәғлүмәт менән таныштырҙы. Ағымдағы йылға алынған бурыстарҙы әйтеп, ул кисекмәҫтән хәл ителергә тейешле өҫтөнлөклө йүнәлештәрҙе билдәләне. “Таҙа яр буйҙары” муниципаль проектын тормошҡа ашырыу буйынса фекер алышыу булды.

 

 

10.03.2017
“100 йыллыҡҡа – Баймаҡтың 100 шәхесе” проектының положениеһы
Untitled document

“100 йыллыҡҡа – Баймаҡтың 100 шәхесе” проектының положениеһы

 

 

1. Ғәмәлдәге положение Башҡортостан автономияһының 100 йыллығын байрам итеүгә әҙерлек сиктәрендә булдырыла һәм уның инициаторы булып Баймаҡ районы башҡорттары ҡоролтайы башҡарма комитеты сығыш яһай.

 

2. Проектты тормошҡа ашырыу район башҡорттары ҡоролтайы башҡарма комитеты, райондың ветерандар советы һәм рустар соборына йөкмәтелә.

10.03.2017
Матбуғат -2017
Untitled document

“Һаҡмар”ға алдан яҙылып ҡалығыҙ

 

 

Ҡәҙерле милләттәштәр! 31 мартҡа тиклем 2017 йылдың икенсе яртыһына ваҡытлы матбуғатҡа алдан яҙылыу дауам итә. Ошо мөмкинлекте файҙаланып, “Һаҡмар” гәзитенә яҙылып ҡуйһағыҙ бик тә отошло буласаҡ.

 

Был юлы ла беҙ гәзит уҡыусыларыбыҙ өсөн төрлө мауыҡтырғыс конкурстар ойошторорға ниәтләйбеҙ. Халыҡ араһында киң танылыу яулаған “Һаҡмар”ға яҙыл һәм бүләк от!” акцияһы ла үткәреләсәк. Унда елле бүләктәр уйнатасаҡбыҙ. Шуның өсөн киләсәктә лә “Һаҡмар” менән бергә ҡалығыҙ, дуҫтар!

 

“Һаҡмар” гәзите редакцияһы.

Ауыл тормошо
Untitled document

Проблемаларҙы – халыҡ көсө менән

 

 

Билал ауылы урындағы башланғыстарҙы яҡлау программаһына әүҙем  ҡушылды. Программа беҙгә нимә бирә, унда нисек ҡатнаша алабыҙ, тигән һорауҙарға яуап табыу өсөн мәҙәниәт йортонда йыйылыш үткәрҙек. Мәктәп уҡытыусылары, уҡыусылар ентекле әҙерләнде. 5-се класс уҡыусылары (етәксеһе Айгөл Ғайсина) ата-әсәләр менән берлектә килгән ҡунаҡтарҙы тәм-том, сәй менән һыйланы. Арыраҡ мәктәп уҡыусыларының һүрәттәре күҙгә салына. Һүрәттәр төрлө-төрлө, ләкин уларҙың мәғәнәһе бер – уҡыусылар ярыҡ тәҙрә эргәһендә өшөп ултыра, быяла ярсығына ҡулын ҡырҡҡан бала тора. Һүрәттәрҙе берләштереп, «Билал мәктәбенә яңы тәҙрәләр кәрәк!» тигән яҙыу ҙа элгәндәр.

10.03.2017
Һаҡланғанды хоҙай һаҡлар
Untitled document

Бәлә-ҡаза булмаһын өсөн

 

 

 

Янғында һәләк булыусыларҙың күптәрен ҡотҡарып ҡалырға мөмкин булыр ине. Әгәр ҙә... Әгәр ҙә урындарҙа янғын хәүефһеҙлеге талаптары теүәл үтәлһә. Ниндәй етешһеҙлектәр бар? Ҡайҙа хәл ителмәгән мәсьәләләр ҡалған? Ғәҙәттән тыш хәлдәр буйынса район комиссияһының сираттағы ултырышында шундай проблемалар күтәрелде. Унда БР-ҙың янғын хәүефһеҙлеген күҙәтеү буйынса дәүләт инспекторы Иҙел Рысаев, Баймаҡ район-ара янғын хәүефһеҙлеге һәм профилактика эштәре буйынса бүлек начальнигы Владимир Люляев ҡатнашты.

10.03.2017
Ҡышҡы һабантуй
Untitled document

Ҡышҡы һабантуй

 

 

 

Ҡышын ниндәй һабантуй булһын да инде, тип әйтер күптәр, бәғзеләр, был байрам һабан эштәре тамамланғас үткәрелә, тип асыҡлыҡ индерер. Һәр хәлдә, үткән аҙнаның йәкшәмбеһендә Темәс ауылында ат спорты ярыштарына тамаша ҡылған халыҡ уны һабантуй кеүек ҡабул итте. Был үҙенсәлекле сараға Башҡортостандың тәүге баш ҡалаһынан ғына түгел, ә Темәс, Билал, Ҡолсора ауыл биләмәләренән халыҡтың күпләп килеүе, ярыштарҙа хатта Белорет, Бөрйән, Әбйәлил, Ейәнсура, Учалы райондарынан спортсыларҙың ҡатнашыуы уға мәртәбә өҫтәне, ысын байрамға әүерелдерҙе.

 

Темәс ауылынан исеме киң билдәле эшҡыуар, төрлө проекттарҙың бағыусыһы булып йыш сығыш яһаған Радмир Ирназаров былтыр йәй буласаҡ ипподром биләмәһендә тәүге ат спорты ярыштары ойоштора. Ат спортын үҙ иткән һәм был йүнәлештә яҡшы һөҙөмтәләргә өлгәшкән Радмир Фәрит улы бындай бәйгеләрҙе йыл да үткәрергә ҡарар итә һәм сираттағыһы уҙған аҙнала булды.

Уңған етәксе, әүҙем йәмәғәт эшмәкәре
Untitled document

Уңған етәксе, әүҙем йәмәғәт эшмәкәре

 

 

 

Ошо көндәрҙә барлыҡ ғүмерен һәм хеҙмәт юлын ҡаланың һәм райондың халыҡ хужалығы тармағын үҫтереүгә арнаған партия һәм совет, йәмәғәт эшмәкәре Р.З. Ишбулатов үҙенең олпат юбилейын – 65 йәшен билдәләй. Ғүмер байрамын Радмир Зөбәйер улы хеҙмәт юлында яулаған ҙур ҡаҙаныштары, өлгәшкән уңыштары менән ҡаршылай.

 

Радмир Зөбәйер улының барлыҡ тормошо һәм хеҙмәт эшмәкәрлеге тыуған Баймаҡ ҡалаһы менән бәйле. Атаһы – Баймаҡ баҡыр иретеү заводының алдынғы хеҙмәткәре Зөбәйер Ғәлләм улы һәм әсәһе – абруйлы уҡытыусы Фәүзиә Нәби ҡыҙының матур ғаиләһендә үҫкән егет ҡалалағы 1-се мәктәптең 8-се класын тамамлағас, 1967 йылда Баймаҡ тау-металлургия техникумына уҡырға инә. Әммә шул уҡ йылда уҡыу йортон Учалы ҡалаһына күсерәләр һәм егет шунда 1971 йылда тау технигы дипломы алып сыға. Уҡыған йылдарында Радмир Зөбәйер улы яҡшы белем ала, производство практикаһын илдә билдәле булған предприятиеларҙа үтә. Яҡшы уҡығаны, практика үтеү осорҙарында үҙен буласаҡ һәләтле белгес итеп танытҡаны өсөн Почет грамоталары менән бүләкләнә.

 

Гәзит уҡыусы...
Untitled document

Гәзит уҡыусы...

 

 

...хәбәр итә

 

Күсей ауылы башҡорттары ҡоролтайының сираттағы ултырышы үтте. Уның эшендә ауыл биләмәһенең йәмәғәт ойошмалары етәкселәре һәм хакимиәт башлығы С.Р. Йыһаншина ҡатнашты. Ултырышта билдәләнгән пландың үтәлеше, эскелеккә һәм суррогат эсемлек һатыусыларға ҡаршы көрәште әүҙемләштереү, Экология йылында үткәреләсәк саралар планын раҫлау кеүек мөһим мәсьәләләр ҡаралды.

Баймаҡ ҡалаһы.
Untitled document

"Ҡурай уйнаған кеше донъяны нескәрәк тоя...”

 

 

 

Тәбиғәткә йөрәге менән яҡын кеше тип әйтергә мөмкиндер әңгәмәләшәсәк геройым тураһында. Сөнки ерҙең йөрәк тибешен, елдең моңон, ҡоштар йырын тәрән тойоп, уны ҡурай моңо аша халыҡ йөрәгенә еткереү – бик һирәктәр өлөшө. 18 мартта халыҡ ижады үҙәгендә үтәсәк концерт алдынан Башҡортостан Республикаһының халыҡ артисы, Ш.Бабич исемендәге дәүләт йәштәр премияһы лауреаты Роберт Юлдашев менән әңгәмә ҡорҙоҡ.

 

 

 

– Роберт Нәжип улы, беҙ һеҙҙе атаҡлы ҡурайсы тип беләбеҙ, ә һеҙҙең Өфө егете булыуығыҙ, бала саҡта “Салауат Юлаев” балалар хоккей командаһында уйнауығыҙ беҙҙең өсөн яңылыҡ. Бала сағығыҙ тураһында һөйләп үтегеҙ әле!

 

– Минең атайым көнө-төнө телевизорҙан хоккей ҡарарға ярата торғайны. Миңә коньки һатып алып бирҙе, боҙҙа шыуырға өйрәтте. Мин хоккей командаһында 2 йыл шөғөлләндем. Унан һуң үҙем өсөн, урамда бәйләнһәләр үҙемде, буласаҡ ҡыҙымды яҡлар өсөн дзю-доға йөрөй башланым. Шулай уҡ конкур тип аталған ат ярыштарында ҡатнаша торғайным. Спорт менән шөғөлләнеүем рухи көс тәрбиәләргә бик ныҡ ярҙам итте.