Авдеевканы азат иткән өсөн

«Башҡортостан» мотоуҡсылар полкы яугирҙәре генерал Шайморатов миҙалдары менән бүләкләнде. «Фронт хаттары. Башҡортостан полкы» телеграм-каналы хәбәр итеүенсә, Башҡортостан Башлығы Радий Хәбировтың указы менән махсус хәрби операция барышында хәрби бурыстарҙы үтәгәндә күрһәткән батырлығы һәм ҡыйыулығы өсөн гаубица артиллерия дивизионы яугирҙәре билдәләнде.

Гаубица артиллерия дивизионы Авдеевканы азат иткәндә пехотаға контрбатарея уты менән ярҙам күрһәткән, дошман артиллерияһын тар-мар иткән, тип яҙа телеграм-канал.

Бынан алдараҡ «Башҡортостан» полкы штурм отрядының миномёт взводы командиры Михаил Шихов генерал Шайморатов миҙалы менән бүләкләнде.