Гүзәлдәрҙән-гүзәл Гөлнара Ҡазарбаева!

Башҡорт дәүләт филармонияһында үткән «Башҡортостан гүзәле - 2023» Бөтә Рәсәй матурлыҡ һәм гүзәллек конкурсының финалы үтте. Конкурста районыбыҙ намыҫын Гөлнара Ҡазарбаева яҡланы һәм 2-се урынға лайыҡ булды.

Финалда Ҡырым Республикаһынан, Ханты-Мансы автоном округынан, Силәбе өлкәһенән, Өфө, Сибай, Салауат, Учалы ҡалаларынан, Әбйәлил, Мәсетле, Дәүләкән, Ейәнсура, Баймаҡ, Белорет, Ҡырмыҫҡалы, Шишмә райондарынан 17 конкурсант ҡатнашты.

Беҙҙең район исеменән сығыш яһаған Гөлнара Ҡазарбаева 2-се урынды яуланы! Ҡотлайбыҙ!