Иҫке Сибайҙа - "Хәтер аллея"һы акцияһы

17 сентябрҙә Иҫке Сибай мәктәбендә Халыҡ-ара фашизмға ҡаршы көрәш көнөнә арналған «Хәтер аллеяһы» акцияһы үтте. Акция сиктәрендә мәктәп биләмәһенә шыршы үҫентеләре ултыртыу ойошторолдо. Сара фашизм ҡорбандарын иҫкә алыу һәм мәктәп биләмәһен йәшелләндереү маҡсатында уҡыусылар Советы, тәрбиә һәм балалар йәмәғәт берекмәләре менән үҙ-ара эш итеү буйынса кәңәшсе З.Ф. Ирназарова  тарафынан ойошторолдо.

Бындай акциялар фашизм ҡорбандарын иҫкә алыу һәм хөрмәт белдереү, тыныс тормоштоң ҡәҙерен белеү һәм һаҡлау, бындай фажиғәләрҙең ҡабатланыуына юл ҡуймауға йүнәлтелә.