Бәләкәстәр ҙә ситтә ҡалмай

Махсус хәрби операцияла ҡатнашыусы яугирҙәрҙең тыуған яҡтан алған күстәнәстәр өсөн ихлас ҡыуанғанын барыбыҙ ҙа беләбеҙ. Улар айырыуса уҡыусыларҙың ихлас күңелдән яҙған хаттарына ҡыуаныуын белдерә.

Темәс урта мәктәбе филиалының 1-се “в” класы уҡыусылары ла яуҙа йөрөгән яҡташ ағайҙарына изге теләктәр яҙып, открыткалар эшләгән. Улар шулай уҡ шоколадтар, изгелек талисмандары һалып, посылка әҙерләгән. Класс етәксеһе Асаинова Рәғиҙә Риф ҡыҙына һалдаттарыбыҙға ярҙам ойошторғаны, ошо бәләкәй йөрәктәргә Тыуған илгә һөйөү һалғаны өсөн ҙур рәхмәт!