"Офоҡтарҙы асып..."

Йыл һайын 3 декабрҙә илебеҙҙә һаулыҡ мөмкинлектәре сикләнгәндәр көнө билдәләнә. Ошо датаға ҡарата һәм Һаулыҡ мөмкинлектәре сикләнгән кешеләр тураһында хәстәрлек йылы сиктәрендә “Офоҡтарҙы асып...” район ижади конкурсы иғлан ителгәйне. Кисә халыҡ ижады үҙәгендә конкурс еңеүселәренең Гала-концерты үтте һәм еңеүселәр билдәләнде.

Яҙмыш һынауҙарына бирешмәгән, ҡыйыу, талантлы, төрлө яҡлы ҡатнашыусылар ысынлап та үҙ офоҡтарын киңәйтте һәм Баймаҡ күгендә сағыу йондоҙҙарҙы ҡабыҙҙы.

Сара һуңында Баймаҡ район хакимиәтенең мәҙәниәт бүлеге начальнигы Йыһаншина Гөлназ Хәлиҙәр ҡыҙы ҡатнашыусыларға Дипломдар һәм аҡсалата бүләктәр тапшырҙы. Ҡайһы берәүҙәргә сараның бағыусыһы Марина Шәрипованан махсус бүләктәр - биҙәүестәр тапшырылды.

Конкурс һөҙөмтәләре түбәндәгесә:

Номинациялар

“Йәш йондоҙсоҡ” – Диана Хисаметдинова һәм Йәсминә Байымова

“Эмоциональ һәм сағыу сығыш өсөн” - Влада Новикова

“Башҡарыу оҫталығы өсөн” – Салауат Салауатов

"Халыҡ бейеүҙәренә һөйөү өсөн" - Рушан Хәлилов

"Үҙенсәлекле сығыш һәм артистизм өсөн" - Марат Иҙрисов

“Ихлас башҡарыуы өсөн” - Алина Йосопова

“Еңеүгә ынтылыш өсөн” – Айгиз Танһыҡҡужин

Лилиә Баймырҙина һәм Лилиана Сарина - 3-сө дәрәжә Диплом, Миңзифа Хәмитова һәм Айҙар Сәйфуллин – 2-се дәрәжә Диплом, Әхмәҙиә Хәмитов һәм Нәркәс Сирбаева 1-се дәрәжә Диплом менән бүләкләнде.

“Барлыҡ ҡатнашыусыларға ла әүҙемлек һәм батырлыҡ өсөн рәхмәт әйтәбеҙ, уларҙың һәр береһенә күңел тыныслығы, яңы асыштар һәм еңеүҙәр теләйбеҙ!” – тине Гөлназ Хәлиҙәр ҡыҙы.