Сосиска менән ләүәштән ҡабымлыҡ

Бының өсөн беҙгә сосискалар, ләүәш, сыр, йомортҡа, тоҙ һәм тәмләткестәр кәрәк. Сосисканы (мин Сибайҙа етештерелгән мини-сосискаларҙы алдым) һәм сырҙы ләүәшкә һалып урайбыҙ. Ләүәште үтә ҡалын итмәгеҙ. Йомортҡаны тоҙ, тәмләткестәр менән туҡыйбыҙ. Ләүәшкә уратылған сосисканы ошо массаға манып алабыҙ ҙа, табала ҡыҙҙырылған майҙа бешереп алабыҙ. Тәү сиратта асылып китмәһен өсөн ләүәштең йөйлө яғын ҡыҙҙырығыҙ. Тиҙ генә әҙерләнгән ҡабымлыҡты айырыуса балалар ярата. Ашығыҙ тәмле булһын!