Уңайлы урында тауыш бирегеҙ

Сентябрҙә үтәсәк һайлауҙарҙа һаулыҡ мөмкинлектәре сикләнгән һайлаусылар, әгәр теләктәре булһа, үҙҙәренә уңайлы һайлау участкаһын һайлай ала. Был мөмкинлекте «Мобиль һайлаусы» механизмы бирә.

Граждандарға ярҙам итеү өсөн Башҡортостан Республикаһы Үҙәк һайлау комиссияһы сайтының «Уңайлы булған ерҙә тауыш бир» бүлегендә һаулыҡ мөмкинлектәре сикләнгән кешеләр өсөн яраҡлаштырылған һайлау участкалары тураһында мәғлүмәт урынлаштырылған. Мәғлүмәт инвалид һайлаусылар өсөн генә түгел, оло йәштәгеләр, башҡа аҙ хәрәкәтсән граждандар өсөн дә файҙалы була ала. Унда һайлау участкаһының номерын, адресын, тауыш биреү бүлмәһенең ниндәй ҡатта урынлашыуын, шулай уҡ пандустар, персоналды саҡырыу төймәләре, лифттар һәм башҡа уңайлыҡтар булыуы тураһында мәғлүмәт алырға мөмкин.