Мәктәпкә әҙерләнергә ярҙам итәйек

Рәсәйҙә, шул иҫәптән Башҡортостанда, «Мәктәпкә әҙерләнергә ярҙам ит» акцияһы башланды. Уның барышында күп балалы, аҙ тәьмин ителгән, мохтаж ғаиләләрҙең балалары уҡыу кәрәк-яраҡтары менән тәьмин ителә.

Был шәфҡәтлелек акцияһында һәр кем ҡатнаша ала. Мәктәп кәрәк-яраҡтарын ҡабул итеү өсөн төбәктәрҙә 4 меңдән ашыу махсус пункт ойошторолған. Баймаҡта пенал, рюкзак, альбом, дәфтәр, буяу һәм башҡа әйберҙәр С.Юлаев проспекты, 38 адресы буйынса “Ғаилә” үҙәгендә ҡабул ителә. Белешмәләр өсөн тел.2-26-60.

Акцияға предприятиелар, ойошмалар, эшҡыуарҙар ихлас ҡушылыр, тип ышанабыҙ.