Район башлығы тренерҙар менән осрашты

Район хакимиәте башлығы Азамат Сәфәрғәле улы Иҙрисов район тренерҙары менән осрашты

“ Түңәрәк өҫтәл” артында тренерҙар күтәргән мәсьәләләр һәм проблемалар тураһында фекер алыштыҡ. Уларҙы иң борсоғаны - балаларҙы ярыштарға алып йөрөү өсөн автобустың булмауы. Тренерҙар, бағыусылар һәм ата-әсәләрҙе йәлеп итеп, сәйәхәттәрҙе үҙ аллы ойошторорға мәжбүр.

Шулай уҡ каникул ваҡытында лагерҙарҙа спорт заездарының булмауы һәм башҡа мөһим мәсьәләләр тикшерелде. Уларҙы хәл итеү өсөн бар көсөбөҙҙө һалырға тейешбеҙ. Беҙҙең районда һәм ҡалала бик күп талантлы спортсылар йәшәй һәм спорт өлкәһен әүҙем үҫтерергә кәрәк. Беҙҙең бурыс - балаларыбыҙ үҙ һәләттәрен күрһәтә һәм спортта уңыштарға өлгәшә алһын өсөн шарттар булдырыу”, - тине район башлығы.