Баймаҡ районы башлығы бәхетле парҙарҙы ҡотланы

-  Бөгөн ҡалабыҙҙың ете хөрмәтле парын алтын туйҙары менән ҡотлау бәхете тейҙе. Ярты быуат бергә ғүмер итеү — ул шатлыҡта ла, ауырлыҡта ла иңгә-иң йәшәлгән тотош бер оло тормош юлы.   Бер-берегеҙгә булған мөхәббәтегеҙ, сабырлығығыҙ, үҙ-ара хөрмәтегеҙ, үҫтергән балаларығыҙ һәм тыуған Баймағыбыҙ сәскә атһын өсөн һалған хеҙмәтегеҙ өсөн рәхмәт һеҙгә.   Баймаҡ ерендә татыу, ныҡлы ғаиләләр күп. Һеҙҙең кеүек ғаиләләр — тыуған төйәгебеҙҙең төп терәге. 

  Һеҙгә ҡоростай ныҡлы һаулыҡ, оҙон ғүмер, өйөгөҙгә тыныслыҡ һәм йылылыҡ, яҡындарығыҙҙың иғтибарын һәм ябай ғына кешелек бәхете теләйем!-тине Азамат Сәфәрғәле улы.