Баймаҡ суды үҫмергә хөкөм ҡарары сығарҙы

Баймаҡ район суды урындағы 16 йәшлек кешегә ҡарата ҡуҙғатылған енәйәт эше буйынса хөкөм ҡарары сығарҙы. Башҡортостан прокуратураһы мәғлүмәте буйынса, ул түләү сараларын законһыҙ ҡулланыуҙа ғәйепле тип табылған. Ағымдағы йылдың мартында урындағы колледж студенты, аҡса эшләргә тырышып, үҙенең банк картаһын элек мессенджерҙа танышҡан сит кешегә 10 мең һум күләмендәге аҡса өсөн тапшырған. Үҫмер үҙенең ғәйебен тулыһынса таныны. Суд уны 40 сәғәтлек мәжбүри эшкә һәм дәүләт килеменә телефонын конфискациялауға хөкөм итте.