Полиция машинаһына ут төрткән

Башҡортостанда полиция машинаһын яндырыусыны ҡулға алдылар. Террор ғәмәле тураһында енәйәт эше ҡуҙғатылған Инцидент 7 сентябрҙә Октябрьскийҙа була. БР Эсе эштәр министрлығынан хәбәр итеүҙәренсә, 1957 йылғы ир 700 мең һумға аферистарҙан алданған. Уның һүҙҙәренсә, телефон аша мутлашыусылар, әгәр ул полиция машинаһын яндырһа, аҡсаны кире ҡайтарырға вәғәҙә иткән.

Ут төртөүсегә ун йылдан егерме йылға тиклем иркенән мәхрүм итеү янай.