+17 °С
Ясно
Новости
24 Августа , 11:55
Башҡортостан Башлығы наградалар тапшырҙы
Башҡортостан хөкүмәтенең оператив кәңәшмәһендә республика етәксеһе Радий Хәбиров спорт гимнастикаһы буйынса Европа беренселеге еңеүсеһе Полина Дмитриеваны һәм уның тренеры Елена Кайгулованы бүләкләне.
Елена Кайгулова Башҡортостан Республикаһының маҡтау грамотаһы менән билдәләнде, ә йәш спортсы Полина Дмитриева Башҡортостан Башлығының рәхмәт хатын алды.
Радий Хәбиров йәш гимнастканың ата-әсәһе Антонина һәм Юрий Дмитриевтарға рәхмәт белдерҙе.
«Афарин! Яҡшы ғаилә, шундай йондоҙсоҡ үҫтергәнһегеҙ. Республика спортсыларыбыҙҙың уңыштары менән ғорурлана», — тине Башҡортостан Башлығы.
Хәтерегеҙгә төшөрәбеҙ, 14 йәшлек Полина Дмитриева Хорватияла спорт гимнастикаһы буйынса Европа беренселегендә триумф менән сығыш яһаны. Стәрлетамаҡ спорт мәктәбе тәрбиәләнеүсеһе бер юлы биш награда: дүрт алтын һәм бер көмөш миҙал яуланы
Редакция һайлауы
