Ғәҙелбай ауылы "Сәләмәт ауыл" проектында

Баймаҡ районы башҡорттары ҡоролтайының "Сәләмәт ауыл" конкурсында быйыл Беренсе Этҡол ауыл биләмәһенән Ғәҙелбай ауылы ҡатнаша. Бында төбәкте төҙөкләндереү буйынса өмәләр үтә, төрлө мәҙәни саралар ойошторола. Был төбәктә халыҡ күпләп мал тотоп, мал көсө менән көн итә.Ғәҙелбайҙар конкурсҡа дәррәү ҡушылып, йорт тирәһен матурлауға күп көс һалды. Кемеһелер ҡыйыҡ алыштырһа,бәғзеләре ҡапҡа,  баҡса яңыртты. Эшсән,сәмсел халыҡ йәшәй бында. Афарин, ғәҙелбайҙар! 

Азамат Мөхәмәтшин.