Баймаҡ табиптарының ҙур ҡаҙанышы

Баймаҡ үҙәк район дауаханаһы хеҙмәткәрҙәре күп йыллыҡ намыҫлы хеҙмәте һәм һаулыҡ һаҡлау системаһын үҫтереүгә ҙур өлөш индергәне өсөн Рәсәй Федерацияһы һаулыҡ һаҡлау министрлығының Почет грамоталарына лайыҡ булды Уларға Почет грамоталарын Башҡортостан Республикаһы һаулыҡ һаҡлау министры урынбаҫары Елена Николаевна Ғәлимуллина тапшырҙы.

Һәр награда ул -һөнәри юл йылдары, көндәлек яуаплылыҡ, пациенттар хаҡында хәстәрлек күреү һәм һайланған эшкә тоғролоҡ. Был көн һайын Баймаҡ районы халҡының һаулығын һаҡлауҙа торған кешеләрҙең хеҙмәтен таныу.  Беҙ Баймаҡ медицина хеҙмәткәрҙәре менән ғорурланабыҙ! Һеҙҙең профессионаллегегеҙ, белемегеҙ - пациенттарҙың ышаныс нигеҙе һәм районыбыҙҙың һаулыҡ һаҡлау үҫешенең мөһим өлөшө. Афарин!