Бүләккә – ҡолон

Бөрйән районының “Шүлгәнташ” ҡурсаулығында Алдар Иҫәкәев иҫтәлегенә һәм Халыҡтар дуҫлығы йылына арнап көрәш буйынса "Урал батыр” кубогы үтте. Унда Юлыҡ ауылынан тренер Барис Миңлебаев етәкселегендәге йәш көрәшселәр ҡатнашты. Был юлы ла улар һынатманы. Үҙ ауырлыҡтарында Солтан Миңлебаев – беренсе,  Аслан Миңлебаев – икенсе, Барый Миңлебаев өсөнсө урындарҙы алды.

Солтан Миңлебаев абсолют чемпион булып танылды. Шуның менән ул ҡолон менән бүләкләнде.