Ауылды йәмләп, килен төштө

Үрге. Яйыҡбай ауылында Баймак ҡалаһы һылыуы Айгизә Илнур ҡыҙы менән Вильдан Рәжәп улының туй байрамы гөрләп үтте. Ауыл ағинәйҙәре йолаларыбыҙҙы һаҡлап, " Киленгә һыу юлы" йолаһын күрһәтте.

Йәштәрҙе йыр- моң менән Гәлимә Яхья ҡыҙының ҡоҙоғында ҡаршы алып, йәш килендең биҙрәләренә һыу тултырып , изге теләктәрен еткерҙеләр. Ҡоҙа, ҡоҙағыйҙарҙы тәмле сәй менән һыйланылар. Был мәл туйҙың иң сағыу өлөшөнең береһе булғандыр. Ауылыбыҙҙың иң йәш ғаиләһенә, Айгизә килен менән Вилдан улыбыҙға аҡ бәхеттәр , аҡ юлдар теләп оҙатты ағинәйҙәр. Бәхетле булығыҙ йәштәр!