Сыңғыҙҙар - уңған халыҡ

Сыңғыҙ ауылы "Баймаҡ районының иң төҙөк ауылы" район конкурсында ҡатнаша һәм был тәңгәлдә маҡсатлы эш алып бара. Ауыл хакимиәтенең, Сыңғыҙ халҡының тырышлығы менән иҫке йорттар һүтелде, ФАП-тың ҡоймаһы яңыртылды, "Мин яратам һине, Сыңғыҙ" арт-объекты ҡуйылды. Төҙөкләндереү эштәре дауам итә. Әле бында ауыл мәктәбен ремонтлауға тотондолар.Был эште халыҡтың финанс ярҙамы менән Таулыҡай, Сыңғыҙ һәм Буранбай мәктәптәренең техник хеҙмәткәрҙәре башҡара.Кәрәкле техника менән ярҙам иткән Баймаҡ коммуналь хужалығына ҙур рәхмәт белдерә Сыңғыҙ халҡы.