Ирҙе йәшен һуҡҡан

Башгидрометүҙәктән хәбәр итеүҙәренсә, республикала һауа ағымының алмашыныуы көтөлә. Был көслө йәшен, ҡойон, боҙборсаҡ ҡатыш ямғыр, дауыл алып килеүе ихтимал.

Оло бәхетһеҙлеккә ҡаршы, йыл һайын йәшен кешеләрҙе һуғып үлтергән осраҡтар ҙа теркәлә. Һуңғы фажиғә Саҡмағош районында булды. 47 йәштәге ир йәшен башланғанда үҙе эшләп алған ҡыйыҡһыҙ тракторҙа була. Водитель ултырған урын тимерҙән эшләнә. Уны ошо һәләк итә лә инде.