Ғәҙелшаны күрәм тип

Баймаҡ районында Ғәҙелша шарлауығына барыу Силәбе өлкәһе турисы өсөн бәхетһеҙ осраҡ менән тамамланған. Ҡатын туғандарына ҡунаҡҡа килә, һәм балалар менән шарлауыҡҡа юллана. Көслө ямғыр арҡаһында һуҡмаҡ хәүефле була: таштар дым менән ҡаплана, ә тупраҡ йыуыла. Күтәрелеү ваҡытында ҡатын тайып йәрәхәт ала. Урынға тиҙ арала Башҡортостандың Ғәҙәттән тыш хәлдәр буйынса дәүләт Комитеты ҡотҡарыусылары килә.