Аҡ юл һеҙгә, балалар!

Бына беҙҙең балаларҙың тормошонда мөһим этап тамамланды Бар имтихандар тапшырылды.  Быйыл 210 ун беренсе класс уҡыусыһы һәм 818 туғыҙынсы класс уҡыусыһы уҡыуын уңышлы тамамланы.

Беҙҙең айырыуса ғорурлығыбыҙ-быйылғы 46 миҙалсы! Был ҙур һан артында  балаларҙың ныҡышмалылығы, ата-әсәләрҙең ярҙамы һәм уҡытыусыларҙың оҫталығы тора. Һеҙҙең тырышлығығыҙ һәм белемгә ынтылышығыҙ юғары маҡтауға лайыҡ.

Ҡәҙерле сығарылыш уҡыусылары! Һеҙ-беҙҙең райондың ғорурлығы һәм өмөтө. Белемегеҙ киләсәк ҡаҙаныштарығыҙ өсөн ныҡлы нигеҙ булһын.