Ике кеше һәләк булған

Республикала BMW машинаһында  19 йәшлек водитель полиция хеҙмәткәрҙәренән ҡасып, машина менән идара итеүен юғалта. Бөгөн төнгө сәғәт берҙәр тирәһендә Белорет-Учалы – Мейәс трассаһының 105 – се саҡрымында, яҡынса мәғлүмәттәр буйынса, 19 йәшлек BMW-525 автомобиле водителе, юл-патруль хеҙмәткәрҙәренән ҡасырға тырышып, машинаны түңкәрә. 15 һәм 20 йәшлек пассажирҙар авария урынында уҡ һәләк була. Тағы ике пассажир (16 һәм 28 йәш) һәм водитель дауаханаға оҙатыла. Водителдең "праваһы" булмаған.