Баймаҡ табиптарына юғары награда

Медицина хеҙмәткәрҙәре көнө алдынан өс яҡташыбыҙ юғары награда алды.

Ваҡытлыса эшкә яраҡһыҙлыҡ экспертизаһы кабинеты мөдире Гөлнара Ғәлина «Башҡортостан республикаһының атҡаҙанған табибы " исеменә лайыҡ булды.

Баймаҡ үҙәк район дауаханаһының педиатрия бүлегенең палата шәфҡәт туташы Гөлнара Солтанова «БР һаулыҡ һаҡлау алдындағы хеҙмәттәре өсөн»миҙалы менән бүләкләнде.

Абҙаҡ фельдшер – акушерлыҡ пункты мөдире Зилә Солтанғазина БР Дәүләт Йыйылышы-Ҡоролтайҙың Почет грамотаһын алды.

Яҡташтарыбыҙҙы лайыҡлы наградалары менән ихлас күңелдән ҡотлайбыҙ һәм һөнәргә тоғролоғо өсөн рәхмәт белдерәбеҙ.