Йәрмөхәмәт ағинәйенә 97 йәш туласаҡ

Һуғыш балалары, аслыҡ-яланғаслыҡты, төрлө ауырыуҙарҙы баштарынан үткәрәләр. Нимә ҡушһалар – шуны эшләйҙәр, ҡайҙа ебәрһәләр – шунда баралар. Көстәре етәме-юҡмы, ҡарап тормай, йоҡлап йоҡоһо туймаһа ла, ашарға аш, кейергә кейемдәре булмаһа ла – бер эштән дә ҡалмайҙар. Тиҙерәк һуғыш бөтһөн, тиҙерәк атайҙар ҡайтһын тип тырышалар. Бөйөк Еңеүгә индергән уларҙың өлөшөн һанап бөткөһөҙ.

Бөгөн почта хеҙмәткәре Сулпан Ғәлимнур ҡыҙы Үҙәнбаева менән Йәрмөхәмәт ауылында йәшәүсе тыл һәм хеҙмәт ветераны Сәлимханова Хәтифә Сабирйән ҡыҙының хәлен белдек. Уны байрам менән ҡотлап, изгҽ тҽләктәребеҙҙе ҽткҽрҙек. Шулай уҡ Хәтифә инәйгә Рәсәй президенты Владимир Путиндың ҡотлау хат-открыткаһын тапшырҙыҡ. Хәтифә Сабирйән ҡыҙына 97 йәш тула, Аллаһ бирһә. Уның кеүек кешеләр районыбыҙҙың ғорурлығы, йәш быуын өсөн ҡаһарманлыҡ һәм сыҙамлыҡ өлгөһө.

Зифа Аҡсарина.