"Еңеү диктанты" яҙҙылар

Бөгөн Баймаҡ үҙәк китапханаһы "Еңеү диктанты" халыҡ-ара тарихи-патриотик акцияһы өсөн майҙансыҡҡа әүерелде

"Еңеү диктанты" - ул ата-бабаларыбыҙҙың ҡаһарманлығына хөрмәт күрһәтеү, тарихҡа ҡағылыу һәм беҙгә тыныс күк бүләк иткәндәрҙең хәтерен һаҡлау мөмкинлеге. Быйыл "Еңеү диктанты" ике мөһим датаға: Бөйөк Ватан һуғышы башланыуға 85 йыл тулыуға һәм күренекле полководец, Советтар Союзы маршалы Георгий Константинович Жуковтың тыуыуына 130 йыл тулыуға арналды. Баймаҡ халҡының был мөһим акцияға ҡушылыуы менән ғорурланабыҙ. Ҡатнашыусыларҙың барыһына ла рәхмәт! Бергәләп тарихты һаҡлайбыҙ!