Баймаҡ ЗАГС-ы игеҙәк балаларҙы теркәне

Баймаҡ ЗАГС-ы 2026 йылдың тәүге игеҙәктәрен теркәне. Икенсе Этҡолдан Тәнзилә һәм Рафаиз Сәфәрғәлиндарҙың күп балалы ғаиләһендә туғыҙынсы һәм унынсы сабыйҙар донъяға  ауаз һалды. Бәләкәстәр Мөхәмәт һәм Амелия исемен алды. Сәфәрғәлиндарҙың ғаиләһендә 4 ул һәм 4 ҡыҙ бар ине. Хәҙер игеҙ сабыйҙар менән бәхетле ғаилә тағы ла тулыланды. Сәфәрғәлиндарҙы ихлас ҡотлайбыҙ! Йортоғоҙҙа балаларҙың тик шат тауыштары яңғыраһын, һау-сәләмәт булығыҙ!