Таулыҡайҙар өмәгә сыҡты

Бөгөн Түбәнге Таулыҡайҙың иҫке зыяратында, Мазһар ағай Салихов инициативаһы менән аҡлау эштәре буйынса өмә үткәрелде. Аҡлау кәрәк яраҡтарын Исхаҡов Айбулат ағай мәрхүм аятынан йыйылған саҙаҡанан алынды. Рухтары риза булып,тыныс ятһын Айбулат Рафаил улы. Ошо изге эштән ситтә ҡалмай ҡатнашҡан апай,еңгәйҙәребеҙгә оло рәхмәтебеҙҙе белдерәбеҙ. "Иҫәндәрҙең ҡәҙерен бел, үлгәндәрҙең ҡәберен бел," - ти халыҡ мәҡәле. Май башында, мәрхүмдәрҙе иҫкә алыу көнөндә лә, һәр зыяратта өмәләр үтәсәк. Унда ла актив ҡатнашырға саҡырабыҙ.