Республика етәксеһе халыҡтың өмәләрҙә ҡатнашыуын тәьмин итергә ҡушты

Шишәмбе Хөкүмәттең оператив кәңәшмәһендә дөйөм республика өмәһе көнө иғлан ителде. Башҡортостандың торлаҡ-коммуналь хужалыҡ министры Ирина Голованова һүҙҙәренсә, экологик сара ошо шәмбелә – 18 апрелдә уҙғарыла.

Республика етәксеһе Радий Хәбиров муниципалитет башлыҡтарына һәм предприятие етәкселәренә граждандарҙың өмәләрҙә ҡатнашыуын тәьмин итергә ҡушты.

— Кешеләрҙе сығарығыҙ. Кәрәк икән, ике сәғәткә алдараҡ ебәрегеҙ, улар йыйыштырып өлгөрһөн өсөн. Апрель уртаһына ҡалаларыбыҙ һәм ауылдарыбыҙ таҙа булырға тейеш, - тине ул һәм халыҡҡа өмә тураһында мәғлүмәт еткерергә ҡушты.