Мәрхүмдәрҙе иҫкә алыу көнө

Башҡортостанда 2026 йылда Мәрхүмдәрҙе иҫкә алыу һәм хөрмәтләү көнө 2 майҙа билдәләнәсәк. Был хаҡта Радий Хәбиров хөкүмәттең оператив кәңәшмәһендә белдерҙе.

Республика етәксеһе муниципаль властарға зыяраттарға автобус маршруттары булдырырға һәм биләмәләрҙе сүп-сарҙан таҙартыуҙы ойошторорға ҡушты.

«Дин әһелдәре килһен, дежур фельдшерҙар булһын», — тип өҫтәне Хәбиров.