Айгөлдө еңеүе менән ҡотлайбыҙ!

Сочи ҡалаһында спорттың адаптив төрҙәре буйынса халыҡ-ара фестиваль үтте. Унда егерме илдән өс меңдән ашыу кеше утыҙ төр спорт буйынса ярышты. Улар араһында Темәс психоневрология интернаты тәрбиәләнеүсеһе Айгөл Түвәнәева ла бар ине. Ул өҫтәл теннисы буйынса көс һынашты. Һөҙөмтәлә ул өсҡөнсө урынға сығып, бронза миҙал яуланы. Баймаҡ спортсыһын ҙур еңеүе менән ҡотлайбыҙ!

Шуныһы ҡыуаныслы: интернат тәрбиәләнеүселәре даими рәүештә төрлө спорт ярыштарында ҡатнаша һәм яҡшы һөҙөмтә күрһәтә.