Сәләмәт туҡланыу

Республика мәктәптәрендә "Сәләмәт туҡланыу" аҙналығы бара. Ҡаланың 5-се мәктәбе 3 "б" класс уҡыусылары өсөн уҡытыусылары Венера Ҡасҡинова кулинар оҫталыҡ-дәресе уҙғарҙы. Уның өсөн ата-әсәләр комитеты ағзаһы Наҙгөл Фәрит ҡыҙы Уразбаеваны саҡырғандар. Ул уҡыусыларға тәмле һәм файҙалы коктейль әҙерләү рецебын күрһәтте.
Уҡытыусы балаларға баланслы туҡланыуҙың организм үҫешенә йоғонтоһон һәм файҙаһының мөһимлеге хаҡында һөйләне. Ә Наҙгөл Фәрит ҡыҙы өй шарттарында емеш-еләк коктейлен нисек тиҙ һәм тәмле әҙерләргә кәрәклеген эшләп күрһәтте. Һәр кулинар эштең иң күңелле өлөшө - ул тәмләп ҡарау. Витаминлы эсемлек әҙер булғас уҡыусылар тәмләп тороп рәхәтләнеп эсте. Алынған белемде һәм оҫталыҡты балалар өй шарттарында ҡуллана аласаҡ, тип беҙгә хәбәр итте Венера Морат ҡыҙы.