Яугирҙәрҙең ҡаһарманлығын данлап

 Иҫке Сибай ауылында Хөсәйенов Илфат Айҙар улы Һәм Ҡаһарманов Руслан Илгиз улы хөрмәтенә Герой партаһын асыу  тантанаһы үтте. Сара «Берҙәм Рәсәй» бөтә Рәсәй мәғариф проектының Герой партаһы патриотик акцияһы сиктәрендә үтте Асыу тантанаһында махсус операция батырҙарының ата-әсәләре Айҙар Хәйривар улы, Рәхимә Ғилметдин ҡыҙы, Әнүзә Рәшит ҡыҙы, геройҙың тол ҡатыны Лиана Рәфҡәт ҡыҙы, яугирҙәрҙең туғандары, туғандары, класташтары, дуҫтары,  ауыл биләмәһе башлығы А. М. Сибаев, «Ватанды һаҡлаусылар» дәүләт фонды филиалының социаль координаторы, Г. Х. Заманова, Баймаҡ районы һәм Баймаҡ ҡалаһы буйынса хәрби ветерандары ассоциацияһы рәйесе А. А. Йосопов ҡатнашты.

Хөсәйенов Илфат Айҙар улы, сержант, мотоуҡсылар батальонының хәрби-сәйәси эштәре буйынса рота командиры урынбаҫары була. 10 йыл дауамында рядовой һалдаттан отделение командирына тиклем юл үтә. Махсус хәрби операция башланғас ул ваҡытһыҙ ҡала алмай. Херсон өлкәһе территорияһында хәрби хәрәкәттәрҙә ҡатнаша. Күрһәткән батырлығы һәм ҡаһарманлығы өсөн:  "Хәрби хеҙмәттә күрһәткән батырлығы өсөн",  "Хәрби батырлыҡтары өсөн",  Батырлыҡ өсөн һ.б миҙалдар менән бүләкләнә. 

Ҡаһарманов Руслан Илгиз улы, рядовой, уҡсы мотоуҡсылар батальоны мотоуҡсылар ротаһының мотоуҡсылар взводы гранатометсыһы ярҙамсыһы. Махсус операция башланыу менән өлөшләтә мобилизация сиктәрендә хәрби хеҙмәткә саҡырыла. "Хәрби батырлыҡ өсөн",  "Батырлыҡ өсөн",  "М. Шайморатов", миҙалдары  Батырлыҡ ордены менән бүләкләнә.

Яугирҙәрҙең батырлығы мәңге онотолмаҫ!